AQSH-tyń burynǵy prezıdenti Donald Tramp Truth Social áleýmettik jelisinde Ońtústik Amerıkanyń kartasyn jarıalady, onda Venesýela AQSH-tyń 51-shi shtaty retinde belgilengen. Kartada el aýmaǵy amerıkandyq tý tústerimen boıalǵan, al qasynda «51st State» («51-shi shtat») degen jazý bar. Saıasatker jarıalanymǵa eshqandaı túsinikteme bermegen, dep habarlaıdy infohub.kz saıty.
Post áleýmettik jeli qoldanýshylarynyń nazaryn tez aýdardy. Keıbireýler bul sýretti ázil retinde qabyldasa, basqalary ony taǵy bir arandatýshylyq jarıalanym dep sanady. Tramptyń ózi kartanyń maǵynasyna túsinikteme bermegendikten, mundaı sýrettiń paıda bolý sebepteri túsiniksiz kúıinde qaldy.
Eske salaıyq, buǵan deıin Donald Tramp Irannyń kartasyn amerıkandyq tý tústerimen kórsetken arandatýshylyq post jarıalaǵan bolatyn. Sonymen qatar, «Álfalfa» klýbynyń banketinde ol Grenlandıa men Venesýelanyń AQSh quramyna kirýi múmkin ekendigi týraly ázildegen.