Amerıka Qurama Shtattarynyń Prezıdenti Donald Tramp Venesýela aýmaǵynda amerıkalyq áskerı baza paıda bolýy múmkindigin joqqa shyǵarmady. Onyń aıtýynsha, búginde eki el arasynda qarym-qatynas jaqsy, dep habarlaıdy infohub.kz saıty.
Aq úıde jýrnalıser amerıkandyq kóshbasshyǵa tıisti saýal qoıdy: AQSh Venesýelada nemese Ońtústik Amerıkada áskerı baza salý múmkindigin qarastyryp jatyr ma.
«Biz túrli is jasaý múmkindigin qarastyryp jatyrmyz. Biletinińizdeı, bizdiń (Venesýelamen — red.) qarym-qatynasymyz óte jaqsy», — dep keltiredi onyń sózin RIA Novostı.
Aq úı basshysy sondaı-aq Venesýela turǵyndary baqytty ekenin, óziniń de baqytty ekenin málimdedi.
Eske salaıyq, jaqynda Donald Tramp Venesýelamen «álem tarıhyndaǵy eń iri» munaı mámilesin jasasqanyn jarıalady. Keıinirek Venesýelanyń ýaqytsha prezıdenti Delsı Rodrıges ultqa úndeýinde AQSH-pen munaı kelisimi aıasynda eldiń tabysy týraly aıtty.
Mámile jasalǵannan keıin Tramp venesýelalyq munaı AQSH-tyń strategıalyq qorlaryn tolyqtyratynyn málimdedi. Ol muny «amerıkalyq halyqqa syı» dep atady.
Sondaı-aq Tramp birneshe kún buryn Venesýelany baqylaý arqyly AQSh ulttyq qorlaryn jaqyn arada toltyratynyn aıtty.