Amerıka Qurama Shtattarynyń Prezıdenti Donald Tramp Vladımır Zelenskı men Vladımır Pýtındi kelisimge kelýge shaqyrdy. Onyń aıtýynsha, taraptar qatty sýyq túskenshe ýaǵdalasa alady, dep habarlaıdy infohub.kz saıty.
«Zelenskıden neni qalaıtynymdy bilesizder me? Ol kelisim jasasyn dep qalaımyn. Ol Pýtınmen, al Pýtın onymen kelissin dep qalaımyn», — dedi Tramp 26 qyrkúıekte Fox News-pen áńgimesinde.
Amerıka kóshbasshysy Pýtın men Zelenskıdiń jaqyn arada, «múmkin, qatty sýyq túskenshe» kelisimge keletinine úmit bildirdi.
«Bir kúni, múmkin jaqyn arada, al múmkin qatal qys túskenshe olar kelisim jasaıdy dep úmittenemin», — dedi AQSh prezıdenti.
Buǵan deıin Kreml Pýtın men Zelenskıdiń kezdesýi sarapshylardyń aldyn ala jumysynsyz orynsyz ekenin málimdegen.
«Ázirge beıbit kelissózderge shyǵýdyń eshqandaı alǵysharty joq. Degenmen biz, reseılik tarap retinde, beıbit kelissózderge ashyqtyǵymyzdy saqtaımyz», — dedi Reseı prezıdentiniń baspasóz hatshysy Dmıtrı Peskov, dep habarlaıdy RBK.
Peskov sondaı-aq Zelenskıge Máskeýge kelý týraly usynysty eske saldy. Onyń aıtýynsha, ýkraın prezıdentine qaýipsizdik kepildikteri beriledi jáne ol «qandaı sheshimder qabyldaý kerektigin jaqsy biledi».