AQSh prezıdenti Donald Tramp Ýkraına prezıdenti Vladımır Zelenskıdiń soǵysty aıaqtaǵanyn qalaıtynyn málimdedi. Bul týraly amerıkandyq kóshbasshy Vashıngtonda ýkraınalyq áriptesimen kezdesýden keıin aıtty, dep habarlaıdy infohub.kz.
«Men onyń soǵysty aıaqtaǵanyn qalaımyn. Barlyǵy óte qarapaıym», — dedi Tramp.
AQSh prezıdentiniń aıtýynsha, ol Zelenskımen de, Reseı prezıdenti Vladımır Pýtınmen de jaqsy qarym-qatynasta. «Men ekeýine de jaqsy qaraımyn. Men olarǵa: «Soǵysty toqtatyńdar», — dedim», — dep qosty amerıkandyq kóshbasshy.
Germanıanyń Bild basylymy Vladımır Zelenskı Donald Tramptyń jańa «súıiktisine» aınalǵanyn jazdy. Jýrnalıser 2025 jyly Aq úıdegi shıelenisti kezdesýden keıin AQSh pen Ýkraına kóshbasshylary arasyndaǵy qarym-qatynastyń aıtarlyqtaı jylyǵanyna nazar aýdardy. Sońǵy kezdesýde Tramp Zelenskı týraly burynǵydan góri jyly sóıledi.
Tramp pen Zelenskı 28 shildede Vashıngtonda kezdesti. Taraptar Reseımen kelissózderdi qaıta bastaý, Ýkraınanyń áýe qorǵanysyn nyǵaıtý jáne Ýkraına aýmaǵynda Patriot zymyran-ustaǵyshtaryn óndirý múmkindigin talqylady.
Kezdesýden keıin Zelenskı kelissózder «jaqsy formatta» ótkenin habarlady. Onyń sózinshe, basty taqyryptardyń biri — Ýkraınanyń áýe qorǵanysy jáne Vashıngton men Kıevtiń odan ári yntymaqtastyǵy. «Biz dıplomatıa týraly da sóılestik — dıplomatıalyq prosesti qaıta bastaý mańyzdy. AQSH-qa myqty qoldaýy úshin alǵys bildiremin», — dep jazdy Zelenskı.
Buǵan deıin Tramp janjaldyń jaqyn arada retteletinine senetinin jáne ýkraınalyq ári reseılik tarappen kelissózder júrgizip jatqanyn birneshe ret málimdegen.