AQSh prezıdenti Donald Tramp Halyqaralyq fýtbol federasıasynyń (FIFA) prezıdenti Djannı Infantınony BUU Bas hatshysy qyzmetine usyný múmkindigin qarastyryp jatyr, dep habarlaıdy infohub.kz.
New York Post gazetiniń amerıkalyq kóshbasshyǵa jaqyn derekkózge silteme jasaýynsha, 56 jastaǵy Infantıno álem chempıonatyna daıyndyq kezinde Tramppen jaqyndasqan. FIFA basshysy Trampty ózine tartýǵa belsendi áreket etip, ony túrli is-sharalarǵa qatystyrǵan. Atap aıtqanda, ótken jyldyń jeltoqsanynda Infantıno Trampqa FIFA tarıhyndaǵy tuńǵysh Beıbitshilik syılyǵyn tabystaǵan.
AQSh prezıdentine jaqyn derekkózdiń habarlaýynsha, Tramp Infantınony búkil álemde qurmetke ıe jáne adamdardy biriktirýdiń biregeı qabileti bar adam dep sanaıdy. BUU Bas hatshysynyń jańa saılaýy 2026 jyly ótedi – ol jeltoqsan aıynyń sońynda qyzmetinen ketetin Antonıý Gýterrıshti almastyrady.