The New York Times (NYT) AQSh pen Iran arasyndaǵy qaqtyǵystyń úsh yqtımal senarıin jarıalady. Bul senarıler joǵary deńgeıde talqylanǵan, dep habarlaıdy infohub.kz.
Basylymnyń dereginshe, sońǵy aptalarda bul nusqalar vıse-prezıdent Djeı Dı Vens, qorǵanys mınıstri Pıt Hegset, Birikken shtab bastyqtary komıtetiniń tóraǵasy Den Keın, prezıdenttiń kúıeý balasy Djared Kýshner jáne arnaıy ókil Stıv Ýıtkoff qatysqan kezdesýlerde qaraldy.
Prezıdent Donald Tramp qazir Taıaý Shyǵysqa qatysty úsh áreket baǵytyn qarastyryp jatyr: áskerı shıelenisti kúsheıtý; Iranǵa ekonomıkalyq qysym kórsetý; jeńis jarıalap, amerıkalyq áskerlerdi aımaqtan shyǵarý. Degenmen NYT bul senarılerdiń árqaısysy «túrli sebeptermen qabyldanbaıtynyn» atap ótedi.
Atap aıtqanda, AQSH-tyń aımaqtan ketýi Irannyń ıadrolyq baǵdarlamasyn jandandyryp, qaqtyǵystyń túpki sebebin joımaıdy. Sonymen qatar, NYT derekkózderiniń málimetinshe, Tramptyń keńesshileri jappaı bombalaý Tegerandy kelissózderge qaıta keltirýine kúmánmen qaraıdy. Mundaı soqqylar beıbit turǵyndar arasynda úlken shyǵynǵa ákelip, ırandyqtardyń jappaı ashtyqqa ushyraýyna sebep bolýy múmkin. Al prezıdent buryn olardy óz úkimetinen qorǵaýǵa ýáde bergen edi.
Eske sala keteıik, Iran Syrtqy ister mınıstrliginiń ókili osy ýaqytta Vashıngton men Tegeran arasynda deldaldar arqyly kelissózderdiń jalǵasyp jatqanyn málimdedi.