AQSh prezıdenti Donald Tramp jańa brıtan premeri Endı Bernemmen jaqyn arada kezdesetinin habarlady. Buǵan deıin eki saıasatker telefon arqyly sóılesken bolatyn. Bul týraly infohub.kz habarlaıdy.
Aq úı basshysy bul týraly Truth Social áleýmettik jelisindegi paraqshasynda jazdy. «Men Ulybrıtanıanyń jańa premer-mınıstri Endı Bernemmen óte jaqsy áńgimelestim. Biz AQSh pen Ulybrıtanıa arasyndaǵy uzaq jáne tamasha qarym-qatynasty qosa alǵanda, kóptegen taqyryptardy talqyladyq. Taıaý arada ózara múddeli máselelerdi talqylaý úshin júzbe-júz kezdesýdi josparlap otyrmyz», – dep jazdy Tramp.
Onyń aıtýynsha, Ulybrıtanıanyń jańa premerin úlken jumys kútip tur, biraq AQSh kómek kórsetýge daıyn. «Biz Soltústik teńizde munaı óndirýdi, saýdany, áskerı odaqty, Ormýz buǵazyn mınadan tazartýdy jáne basqa da kóptegen máselelerdi talqyladyq. Áńgime qyzyqty ári óte jaqsy ótti», – dep qosty Tramp.
Keshe Leıborısik partıanyń jańa kóshbasshysy Endı Bernem resmı túrde Ulybrıtanıa premer-mınıstri boldy. Ol kоról Karl III-men kezdesti.