Baıandama
Tulǵanyń adamgershilik qasıeti
Adamgershilik adamzat qoǵamynyń damý tarıhy arqyly qalyptasyp, árbir dáýirdiń ózindik qaıshylyqtarymen bite qaınasyp, jetiledi. Sondyqtan da adamgershiliktiń mánin abstraktyly túrde qarap, ony adamdardyń tabıǵatymen, bıologıalyq ereksheligimen ǵana baılanystyrýǵa bolmaıdy.

Adamzat tarıhynda adamgershilikke baılanysty paıda bolǵan kategorıalar: jomarttyq, batyrlyq, erlik, ádildik, qarapaıymdylyq, kishipeıildilik, adaldyq, shynshyldyq, uıattylyq, ar men namys, taǵy basqalary. Bular sonaý kóne dáýirden bastalyp, kúni búginge deıin óz mańyzyn joǵaltpaǵan. Sondaı - aq adamzattyń, árbir adamnyń ishki rýhanı adamgershilik dúnıesiniń negizgi formalary - úmit, senim jáne mahabbat únemi damý ústinde boldy.

Árbir qoǵam óziniń damý prosesinde adamgershilik kategorıalaryna, onyń mazmunyna kóptegen ózgerister engizip otyrdy. Mysaly, kóne grek dáýirindegi adamgershilik kategorıalary sol qoǵamdaǵy tarıhı, áleýmettik, ekonomıkalyq proseske tyǵyz baılanysty bolyp, sol zamannyń negizgi qozǵaýshy kúshi boldy.

Moral jáne adamgershilik ózara tikeleı baılanysty. Moral - jeke adamnyń qoǵamda ómir súre alatyn, basqalarmen úılesimdi qarym - qatynasta bola alatyn qabileti. Moral - adamdardyń ishki dúnıesiniń kórinisi, olardyń praktıkalyq ómirdegi beınesin jasaıtyn is - áreketi. Sonymen qatar óziniń máni jaǵynan jeke - daralyqpen rýlyq tektiń, adam men adamzattyń arasyndaǵy izgilik erejeleriniń jıyntyǵy. Osy jıyntyq (moral) arqyly ár adam óziniń adamdyq qasıetterin qalyptastyryp, damyta alady.

Adamgershilik adamdardyń praktıkalyq ómirinen kelip shyqqan ádep - ǵuryptar men dástúrlerdi týdyryp, solarmen sáıkes keledi. Al moral bolsa, shyndyqqa qarama - qarsy, teris qarym - qatynasta paıda bolady jáne sýbektıvti túrdegi mindettenýshilikten týyndaıdy. Sondyqtan da adamgershilikti qoǵamdyq moral dep qaraýǵa da bolady. Óıtkeni ol qoǵamdyq ortanyń(otbasy, memleket) negizinde týyndaıdy. Moral kerisinshe adamgershiliktiń jekeleı kórinisi sıaqty. Ol jeke adamnyń ózindik baǵasynan, ıdeıasynan kelip shyǵady.

Tolyq nusqasyn júkteý