Anglıada kólik qaǵyp ketken Shans esimdi jas túlki baseındegi gıdroterapıa arqyly birtindep ómirge qaıta oralýda, dep habarlaıdy infohub.kz saıty.
Good News Network jazýynsha, zardap shekken janýar Nottıngemshır graftyǵynda birneshe kún jolda jatqan jáne ajal aýzynan áreń qalǵan. Veterınarlar artqy aıaqtarynyń saldanýyna baılanysty túlkini uıyqtatyp óltirýge týra keledi dep qatty qoryqqan.
Alaıda Mansfield Wildlife Rescue qutqarý ortalyǵynyń eriktileri janýardy óz qamqorlyǵyna alyp, oǵan arnaıy ońaltý baǵdarlamasyn ázirledi.
Emdeýdiń negizgi bóligi Mansfield Canine Centre kınologıalyq ortalyǵyndaǵy gıdroterapıa sabaqtary boldy. Itterge arnalǵan mamandandyrylǵan baseınde túlki Chelsı esimdi jetekshiniń baqylaýymen aıaqtaryn qaıta qozǵaltýǵa úırenýde. Sýdaǵy kótergish kúsh býyndar men bulshyqetterge túsetin salmaqty azaıtyp, janýardyń sezimtaldyǵyn qalpyna keltirýge kómektesedi.
Qazir Shans artqy aıaqtarymen esýge jáne olarǵa súıenýge qabiletti. Ony tabıǵı ortaǵa qaıtarý múmkindigin saqtaý úshin eriktiler janýardyń adamdarmen baılanysyn barynsha azaıtyp otyr.
Aıta keteıik, bıyl jazda óńirde jabaıy janýarlardy kólik qaǵý oqıǵalary jıiledi — ystyqtan olar azyqty jol boıynan izdeýge májbúr.