InfoHub Logo

Tań alagóbeńnen bir túlki tamaq izdep júrip, aǵashtyń butaǵyna qonaqtap otyrǵan Qorazdy kóredi. Aǵashtyń túbine kelip, múláıimsip Qorazǵa:

         — Taqsyr-aý, taqsyr, tań atty ǵoı, azan aıtyńyz da tómen túsip, ımam bolyńyz, jamaǵat bolyp namaz oqıyq! – depti.

         Túlkiniń qýlyǵyna túsingen Qoraz:

         — Ar jaǵyńda moldanyń úlkeni jatyr, sol kisini oıata qoıyńyz, bárimiz birigip, qaýym bolsaq bolaıyq! – dep, qýysta jatqan Tazyǵa siltepti. Túlki eki-úsh attap artyna qarasa, bir buryshta búk túsip qara Tazy jatyr eken. Túkeń aıaǵyn mysyqsha basyp, zyta jónelipti.

         Muny kórgen Qoraz jymıyp:

         — Pirádar-aý, pirádar! Namaz oqymaısyz ba? Qaıda barasyz? – depti. Sonda Túlki:

         — Dáretim synyp ketti, tez dáret alyp kele qoıaıyn. Sen azan aıtyp, jurttyń tynyshyn almaı, sál shydaı tur! – dep tartyp otyrypty.

---