InfoHub Logo

Túlki bir kúni ottap júrgen bir qazdy ustap alyp, aldyńǵy eki aıaǵymen basyp turyp, mazaq qylyp, biraz azaptaıyn dep, murtynan kúlip:

         — Á, qaz, seniń qolyńa men tússem, sen ne qylar ediń? Qaz sál oılanyp turyp:

         — Ne qylar edim? Belgili emes pe, seni tisimmen tistep turyp, eki aıaǵymdy keýdeńe qoıyp, kózimdi jumyp: «Á, Qudaı, bergenińe myń shúkir!» der edim de seni jep qoıar edim, – depti.

         Túlki:

         — Mynaýyń durys eken. Men de seni óziń aıtqandaı qylyp jeıin, – depti de qazdy tistep, ózi shońqıyp otyryp, aldyńǵy eki aıaǵyn keýdesine qoıyp, kózin jumyp: «Á, Qudaı...» – deı bergende, qaz qanatyn qaǵyp qalyp, qańqyldap ushyp kete beripti,

         Túlki:

         — Á, Qudaı... – degen kúıinde aýzyn ańqıta ashyp, shońqıyp qala beripti.

---