18 jastaǵy týrıs Lýkas Reındjer Taıland áýejaıynda ustaldy. Polısıanyń aıtýynsha, ol bóten saǵatty urlap ketken. Jigit ushý aldynda qamaýǵa alynyp, kepilge bosatýdan bas tartyldy. Bul týraly infohub.kz saıty NEWS.ru-ǵa silteme jasap habarlady.
Reındjerdiń ózi eshkimniń zatyn urlamaq bolmaǵanyn aıtady. Onyń sózinshe, ol jeke zattarynyń qasynda jatqan saǵatty qatelesip alyp ketken. Anasynyń aıtýynsha, uly uzaq teńiz saparynan keıin ózin nashar sezingen, sondyqtan ony taı túrmesine jabý tym qatań shara ekenin málimdedi.
Jergilikti zań boıynsha jigitke bes jylǵa deıin bas bostandyǵynan aıyrý jáne 10 myń batqa deıin aıyppul salynýy múmkin.
Reındjerdiń advokaty isti qaıta qaraýdy talap etýde. Saǵat ıesine ótemaqy retinde 1 000 dollar berildi, degenmen basylymnyń málimetinshe, saǵattyń ózi 100 dollar shamasynda turady.
Qazir týrıs qamaýda otyr, al onyń bolashaq taǵdyryn Taıland bıligi sheshedi.