Qazaqstannyń ekologıalyq tazalyǵyn saqtaý jáne qoǵamdy biriktirý maqsatynda ótken jalpyulttyq «Taza Qazaqstan» aksıasy aıasynda Týrızm jáne sport mınıstrliginiń qyzmetkerleri senbilikke qatysyp, óz úlesterin qosty. Olar belgilengen aýmaqty aramshópterden tazartty, sondaı-aq plasık jáne turmystyq qaldyqtardy jınady.
Mınıstrlik qyzmetkerleri senbilik barysynda birlesip jumys istep, qorshaǵan ortany taza ustaý, tabıǵatqa qamqorlyq kórsetý sıaqty mańyzdy mindetterdi atqardy. «Taza Qazaqstan» aksıasynyń negizgi maqsaty — tek tabıǵatty qoqystan tazartý ǵana emes, sondaı-aq qoǵamdy birtutas etip, azamattyq jaýapkershilikti arttyrý ekendigi atap ótildi.