Túrkistan oblysynda prokýrorlyq tekserý barysynda psıhıatr men narkolog esebinde turǵan 89 adam anyqtaldy. Olardyń medısınalyq qarsy kórsetilimderine qaramastan júrgizýshi kýáligi bolǵan jáne kólik basqarýdy jalǵastyrǵan, dep habarlaıdy saıt infohub.kz.
Bas prokýratýranyń málimetinshe, zańbuzýshylyq jol qozǵalysy qaýipsizdigi salasyndaǵy zańnama talaptarynyń saqtalýyn tekserý barysynda anyqtalǵan.
Qazaqstan zańy boıynsha psıhıkalyq jáne minez-qulyq buzylystary, sondaı-aq psıhoaktıvti zattardy tutynýǵa baılanysty buzylystary bar adamdar medısınalyq qarsy kórsetilimder bolǵan jaǵdaıda kólik basqarýǵa quqyǵy joq.
Prokýratýra aralasqannan keıin sottar 89 adamnyń da kólik quraldaryn basqarý quqyǵynan aıyrdy. Sonymen qatar, kináli laýazymdy tulǵalar jaýapkershilikke tartyldy.
Prokýratýra bul baǵyttaǵy tekserýler jalǵasatynyn málimdedi.
Bıylǵy sáýirde İİM «Jol júrisi týraly» zańǵa túzetýler ázirlenip jatqanyn habarlady. Olar avtoshkolalarǵa qoıylatyn talaptardy qatańdatady — habarlandyrý tártibinen ruqsat berý tártibine kóshý josparlanýda.