Túrkistan oblysy Tólebı aýdanyndaǵy Shuńqyldyq asýynda týrıs qaza tapty, onyń serigin TJM tikushaǵy evakýasıalady. Bul týraly infohub.kz saıty habarlaıdy.
Oqıǵa Aqsý-Jabaǵyly memlekettik tabıǵı qoryǵynyń taýynda 2400 metr bıiktikte bolǵan.
Kelip túsken aqparat boıynsha, týrıserdiń biri kenetten ózin nashar sezinip, kóz jumdy. Joryqtyń ekinshi qatysýshysy da densaýlyǵynyń nasharlaǵanyn aıtyp, ózdiginen túse almaǵan.
Oqıǵa ornyna TJM bólimsheleri men «Qazavıaqutqarý» AQ tikushaǵy dereý jiberildi. Qutqarýshylar avıasıanyń kómegimen 1993 jyly týǵan er adamdy qol jetpeıtin jerden evakýasıalady. Jetkizilgen soń ony jedel járdem dárigerleri qarap, qajetti kómek kórsetip, úıine jiberdi — aýrýhanaǵa jatqyzýdyń qajeti bolmady. Sonymen qatar, qutqarýshylar 1978 jyly týǵan er adamnyń máıitin taýdan túsirdi.
TJM taýǵa shyǵar aldynda marshrýt týraly jaqyndaryna aldyn ala habarlaý, aýa raıy boljamyn baqylaý, baılanys quraldaryn, sý qoryn, dári-dármek qobdıshasyn jáne qajetti dárilerdi alý qajettigin eskertti.
Buǵan deıin Túrkistan oblysynyń taýynda týrısiń qutqarýshylar kelgenshe úsh kún boıy tamaqsyz jáne sýsyz jartasta ótkizgeni týraly habarlanǵan bolatyn.