Túrkistan oblysyndaǵy Shaıan – Ekpindi trassasynda jol apatynan jeti adam qaza tapty, dep habarlaıdy infohub.kz saıty.
Ólimge ákelgen jol apaty túnde boldy. Aldyn ala málimetterge sáıkes, Báıdibek aýdanyndaǵy jolda Toyota Camry men Volkswagen Passat avtomobılderi soqtyǵysqan.
Jeti adam apat ornynda kóz jumdy, dep habarlady oblystyq polısıa departamenti.
«Qazirgi ýaqytta oqıǵanyń barlyq mán-jaıyn anyqtaý úshin qajetti tergeý jáne prosesýaldyq amaldar júrgizilýde. Tergeý nátıjesi boıynsha zańnamaǵa sáıkes tıisti prosesýaldyq sheshim qabyldanady», — dep málimdedi tártip saqshylary.