Túrkistan oblysynda Saıram men Tólebı aýdandarynyń shekarasynda eki kólik betpe-bet soqtyǵysyp, eki adam qaza tapty. Jergilikti turǵyndar bul jol ýchaskesin asa qaýipti dep ataıdy, dep habarlaıdy infohub.kz saıty.
Aldyn ala málimetterge qaraǵanda, qytaılyq Lixiang krosoveri men «VAZ» markaly jeńil kóligi betpe-bet soqtyǵysqan. Sonymen qatar, taǵy bir kólik janama soqqyǵa ushyraǵan.
«VAZ» salonynda úsh adam bolǵan. Olardyń ekeýi qaza tapty, taǵy bir jolaýshy aýyr halde aýrýhanaǵa jetkizildi. Qaza tapqandardyń jasy 27-de edi.
Aıta ketý kerek, soqtyǵysýdan keıin jeńil kólikten eshteńe derlik qalmaǵan. Kýágerler salonnan júgirip shyǵyp, maıysqan kólikterden adamdardy sýyryp alyp shyqqan.
«JKO saldarynan VAZ kóliginiń júrgizýshisi men jolaýshysy oqıǵa ornynda kóz jumdy. Taǵy bir VAZ jolaýshysy medısınalyq mekemege jatqyzyldy. Lixiang júrgizýshisi ustalyp, polısıa bólimine jetkizildi», — dedi Túrkistan oblysy PD baspasóz qyzmetiniń jetekshisi Gúlnar Ábdijapparova.
Krosover júrgizýshisi apatqa sebep boldy dep boljanady.
Jergilikti turǵyndar apat bolǵan ýchaskede júrý qaýipti ekenin aıtady, óıtkeni tar jolda júk kólikteri men jeńil avtokólikter áreń syıyp ketedi.