Tarbaǵataı ulttyq parkinde sırek kezdesetin Túrkistan sileýsini sýatqa kelgen sátte fototuzaqqa túsip qaldy, dep habarlaıdy Orda.kz.
Ulttyq parktiń ormandy taýly alqaptary men jartasty shatqaldary Túrkistan sileýsini úshin qolaıly meken. Qazaqstanda bul túr óte sırek kezdesedi, sondyqtan Qazaqstan Respýblıkasynyń Qyzyl kitabyna engizilgen jáne memleket qorǵaýynda.
Túrkistan sileýsini — saq ári jasyryn janýar, ol adam kózine óte sırek túsedi. Sondyqtan fototuzaqtar arqyly alynǵan beınejazba ǵylymı turǵydan úlken qundylyqqa ıe. Ol mamandarǵa jyrtqyshtyń taralýyn, minez-qulyq erekshelikterin jáne sanyn baqylaýǵa múmkindik beredi.
Buǵan deıin Jońǵar Alataýy ulttyq parkinde fototuzaq obektıvine Tán-Shan qońyr aıýy túsken edi.