Túrkistan áýejaıynda áýe kemesimen oqys jaǵdaı boldy: tehnıkalyq aqaýǵa baılanysty ushaq áýege kóterile almady, dep habarlaıdy infohub.kz saıty.
Kozachkov offside Telegram-arnasynda jazylǵandaı, aldyńǵy kúni Túrkistan áýejaıynan Astanaǵa Ulttyq ulannyń ushaǵy ushýy tıis edi. Bortta 6 ekıpaj múshesi men 59 áskerı qyzmetshi bolǵan.
«Tehnıkalyq aqaý — qozǵaltqyshtyń bireýi isten shyqqan, múmkin, ushý kezinde oryn alǵan. Sonyń saldarynan avtomatty tejeý júıesi iske qosylyp, ushaqtyń shasıi órtenip ketti. Órtti áýejaıdyń órtke qarsy qyzmeti jedel sóndirdi — 13 adam men 3 tehnıka birligi jumyldyryldy. TJM qyzmetkerlerin eshkim shaqyrǵan joq», — delingen jazbada.
Sondaı-aq áýe kemesi ushý-qoný jolaǵynda qalyp qoıǵandyqtan, birneshe reıs keshiktirilgeni, al ushaqty tehnıkanyń kómegimen alyp ketýge týra kelgeni atap ótilgen.
NUR.KZ tilshisi Kóliktegi polısıa departamentinen túsinikteme surady. Vedomstvoda oqıǵa 11 qyrkúıekte bolǵanyn rastady.
«Túrkistan áýejaıynda ushý jolaǵynda áýe kemeleriniń birinde tehnıkalyq aqaý týyndady. Qazirgi tańda ony joıý jumystary júrgizilýde», — dedi vedomstvoda.
Zardap shekkender joq.