Ońtústik Qazaqstannyń densaýlyq saqtaý ınfraqurylymy strategıalyq mańyzy zor nysanmen tolyqty: Túrkistan oblysynda óńirdegi alǵashqy zamanaýı vırýsologıalyq zerthana jumysyn bastady. Óz vırýsologıalyq bazasynyń arqasynda óńir bıologıalyq úlgilerdi jergilikti jerde jyldam ári dál taldaı alady, dep habarlaıdy infohub.kz saıty.
Oblys ákimdiginde atap ótkendeı, óńirdegi alǵashqy zamanaýı vırýsologıalyq zerthananyń ashylýy túrkistandyq dárigerlerge bıomaterıaldardy jaqyn megapolısterge jóneltýge qymbat ýaqyt joǵaltpaı, zertteýge birden kirisip, naýqastardyń ómirin jedel saqtap qalýǵa múmkindik beredi.
Sondaı-aq zerthananyń qurylýy óńirdiń pandemıaǵa daıyndyq áleýetin keńeıtetini, onyń ishinde epıdemıologıalyq qadaǵalaý men zerthanalyq áleýetti nyǵaıtýdy qamtıtyny atap ótildi.
«Búginge deıin oblysta óz vırýsologıalyq zerthanasy bolmaǵan, bıologıalyq úlgiler Shymkent pen Almatyǵa jóneltiletin. Al bul – ýaqyt», – delingen habarlamada.
Ashylý rásimine Densaýlyq saqtaý vıse-mınıstri Tımýr Sultanǵazıev pen respýblıkanyń bas memlekettik sanıtarlyq dárigeri Sarhat Beısenova qatysty.
Ákimdikte atap ótkendeı, oblysta bul zerthananyń paıda bolýy Pandemıa qorynyń qoldaýynyń arqasynda múmkin boldy. Jergilikti atqarýshy organdar Dúnıejúzilik densaýlyq saqtaý uıymyna, BUU Damý baǵdarlamasyna jáne Qazaqstandaǵy Pandemıa qory jobasyn iske asyrýǵa qoldaý kórsetken barlyq seriktesterge alǵys bildirdi.
Buǵan deıin «Kýrsıv» Almatyda ınfeksıalyq aýrýhana bazasynda Qazaqstandaǵy alǵashqy smart-zerthana iske qosylǵanyn jazǵan bolatyn. Júıeniń basty ereksheligi – shtrıhkodtar boıynsha probırkalardy óz betinshe bólip, tasymaldaıtyn avtomatty trek jelisi.