Túrkıa jaǵalaýynda tótenshe oqıǵa boldy: bortynda 115 adam bolǵan ekskýrsıalyq keme órtenip, sýǵa batty. Oqıǵa Fethıe qalasynyń mańyndaǵy Katrandjı shyǵanaǵynda bolǵan, dep habarlaıdy infohub.kz saıty.
SHOT Telegram-arnasynyń málimetinshe, órt as úıden bastalyp, tez arada búkil kemege taraǵan. Eki adam tútinnen ýlanyp, aýrýhanaǵa jetkizildi. Qalǵan jolaýshylar medısınalyq kómekten bas tartty.
RIA Novostı jergilikti DHA agenttigine silteme jasap habarlaǵandaı, órt jergilikti ýaqyt boıynsha shamamen 11:00-de (Astana ýaqytymen 13:00) Toys Boat kemesiniń as úıinde bastalǵan. Jolaýshylar, onyń ishinde balalar, qutqarý keýdeshelerin kıip, sýǵa sekirgen. Aldyn ala málimet boıynsha, eshkim qaza tapqan joq.
Áleýmettik jelilerde jarıalanǵan kadrlarda jalynnyń kemeni tez sharpyǵany, al adamdardyń qutqarý keýdeshelerimen sýda júrgeni kórinedi. Oqıǵa ornyna jaǵalaý kúzeti, teńiz qaýipsizdik qyzmeti jáne medısınalyq brıgadalar jiberildi. Jaqyn mańdaǵy basqa kemeler de adamdardy evakýasıalaýǵa kómektesti.
Aldyn ala derekter boıynsha, keme qatty órtenip, sýǵa bata bastaǵan. Órttiń shyǵý sebepteri anyqtalyp jatyr, tergeý bastaldy.