Qazaqstandyq tanymal ázilkesh Tursynbek Qabatov áleýmettik jelidegi paraqshasynda qazirgi fýtbol dodasy týraly pikir bildirdi, dep habarlaıdy infohub.kz.
Tursynbek Qabatov fýtboldan álem chempıonaty týraly ázil-qaljyń aralas jazba jarıalady.
«Fınal 2026. Messı qyrqynan shyǵarǵan balasymen. Lamın Iamal men Lıonel Messı. Kezinde "aýzyna beker túkirdim" dep otyrǵan shyǵar Messı», – dep jazdy Tursynbek Qabatov.
Eske sala keteıik, Tursynbek Qabatovtyń úlken qyzy Ádemi Tursynbekqyzy buǵan deıin áleýmettik jelidegi paraqshasynda jańa kóligin kórsetken edi. Sondaı-aq Tursynbek Qabatov úlken qyzy Ádeminiń sheteldik joǵary oqý ornyn bitirgenine qýanyp, jolda aqyl-keńes bergenderge alǵys aıtqan.
Tursynbek Qabatov degen kim?
Tursynbek Amanǵalıuly Qabatov – qazaqstandyq ázilkesh, akter, KVN oıynshysy jáne satıra janrynyń tanymal ókili. Ol 1979 jyly 10 qazanda Batys Qazaqstan oblysy, Kaztalov aýdany, Aqpater aýylynda dúnıege kelgen.
Ártis kópshilikke qazaqsha ázilderdi sheber oryndaýy, ótkir ıýmory jáne sahnadaǵy erkin minez-qulqymen tanymal. Onyń shyǵarmashylyǵynda ıýmor arqyly ózekti qoǵamdyq máseleler, kúndelikti turmys jáne ulttyq minezdiń erekshelikteri kórinis tabady.
Tursynbek Qabatov eńbek jolyn 2000 jyly Batys Qazaqstan oblystyq Ǵarıfolla Qurmanǵalıev atyndaǵy fılarmonıasynda bastaǵan. 2001 jyldan bastap KVN-de óner kórsetip, ıýmorlyq janrdaǵy kásibı jolyn qalyptastyrǵan.
Stýdenttik kezinde ol «Agrarka sarbazdary», «Astana.kz» jáne «Kazahı» komandalarynda oınaǵan. Ásirese, «Kazahı» komandasynda óner kórsetýi oǵan keń tanymaldyq ákeldi.
2010 jyly komandasymen birge Halyqaralyq KVN Odaǵynyń Joǵary lıgasynyń vıse-chempıony atanǵan. Sondaı-aq TMD elderi arasynda úzdik KVN oıynshysy ataǵyna ıe bolǵan.
Keıin Tursynbek Qabatov jeke shyǵarmashylyqqa kóship, Astana men Almatyda konsertter bergen. Ol teledıdar jobalaryna qatysyp, prodúser jáne uıymdastyrýshy retinde jumys istegen.
Ártis «Bazar joq» teatryn ashyp, ıýmorlyq jobalardyń damýyna úles qosqan. Sonymen qatar «Ázil álemi» teatryn basqarǵan.
Tursynbek Qabatovtyń eńbegi memlekettik jáne qoǵamdyq nagradalarmen atalyp ótken. 2014 jyly oǵan «Qazaqstan Respýblıkasynyń Mádenıet úzdigi» ataǵy berilip, Kaztalov aýdanynyń qurmetti azamaty atanǵan. 2015 jyly «Qazaqstannyń eńbek sińirgen qaıratkeri» ataǵyna ıe bolǵan.
Búgingi tańda Tursynbek Qabatov qazaq sahnasynda óz stılin qalyptastyryp, ıýmor men satıranyń damýyna úles qosqan tanymal óner qaıratkerleriniń biri sanalady.