Ázilkesh Tursynbek Qabatov aqyn Júrsin Erman qatysqan vıdeo taraǵannan keıin áleýmettik jelide pikir bildirdi, dep habarlaıdy infohub.kz.
Ol Júrsin Ermannyń qazaq ónerine sińirgen eńbegin atap ótip, áleýmettik jeli qoldanýshylaryn ártúrli aqparatqa birjaqty baǵa bermeýge shaqyrdy.
«Bári bitti, endi Júrsin aǵa qaldy ma? Qazaq ónerin Júrsin aǵamyz sekildi túsinetin adam az. Aǵamyz sońǵy kezde aýyryńqyrap júr. Aǵa, 100 jasańyz. Kóp paraqshalarǵa aıtarym, kóringen jańalyqtardyń aq-qarasyn ajyratpaı turyp, 40-50 jyl el úshin eńbek etip jınaǵan abyroı-bedelin tókpeıik. Kerisinshe, «aǵamyzdyń jasyn bersin Dımashqa» dep nege jazbaısyzdar?» – dep jazdy Tursynbek Qabatov.
Eske salaıyq, buǵan deıin áleýmettik jelide Júrsin Erman men ánshi Dımash Qudaıbergenniń kezdesýi beınelengen vıdeo taraǵan bolatyn. Beınejazba paıdalanýshylar arasynda túrli pikirtalas týdyrdy.