Ýgandada qaıǵyly oqıǵa boldy: mektep avtobýsy qatysqan jol-kólik apatynan 20 bala men bir eresek adam qaza tapty. Polısıa bul oqıǵaǵa qatysty pikir bildirdi, dep habarlaıdy infohub.kz.
Ýganda polısıasynyń ókili Maıkl Kananýra vedomstvonyń H áleýmettik jelisindegi resmı paraqshasynda avtobýs oqýshylardy Sıpı sarqyramasyna tanymdyq ekskýrsıaǵa aparǵanyn aıtty. Qaıtar jolda júrgizýshi rúldiń basqarýynan aıyrylǵan degen boljam bar. Kólik joldan shyǵyp, jol jıegindegi úlken tasqa soǵylyp, aýdarylǵan.
Apat saldarynan 20 oqýshy men bir eresek er adam qaza tapty. Taǵy úsh eresek er adam men birneshe jasóspirim túrli dárejedegi jaraqat aldy.
Qaza tapqandardyń deneleri máıithanaǵa jetkizilip, olardy tanystyrý úshin qajetti rásimder júrgiziledi. Oqıǵanyń mán-jaıyn anyqtaý úshin tergeý bastaldy.