Ekaterınbýrgtegi Oral memlekettik taý-ken ýnıversıtetiniń (ÝGGÝ) komandasy FIDE týy astynda óner kórsetip, Almatyda ótken ýnıversıtetter arasyndaǵy shahmattan álem chempıonatynyń jeńimpazy atandy. Qazaq ulttyq sport ýnıversıtetiniń qazaqstandyq komandasy qola medalǵa ıe boldy, dep habarlaıdy infohub.kz.
Sent-Lýıs ýnıversıtetine (AQSh) qarsy fınaldyq machta segiz partıanyń altaýy teń aıaqtaldy. Jeńiske sheshýshi úlesti halyqaralyq sheber Lıa Garıfýllına qosty, ol amerıkalyq áıelder grosmeısteri Talıa Kervantes-Landeırony eki ret jeńdi.
Úshinshi oryn úshin bolǵan mach týrnırdiń naǵyz kórkine aınaldy. Birinshi týrda amerıkalyqtardan utylyp qalǵan qazaqstandyq shahmatshylar ekinshi týrda revansh aldy. Negizgi ýaqyt 4:4 esebimen teń aıaqtaldy, blıs te jeńimpazdy anyqtaı almady – 2:2. «Armageddon» formatyndaǵy sýperblıste Qazybek Nogerbek úndistandyq grosmeıster Adıtı Samantty jeńip, komandasyna qola medal ákeldi.
Týrnırdi FIDE Qazaqstan Respýblıkasy Týrızm jáne sport mınıstrligimen, Qazaqstan Respýblıkasy Ǵylym jáne joǵary bilim mınıstrligimen, Qazaqstan shahmat federasıasymen jáne Almaty qalasy ákimdigimen birlesip uıymdastyrdy. Bas seriktester Freedom kompanıalar toby jáne «Shapaǵat» korporatıvtik qory boldy.
Jarystyń jalpy júlde qory 50 myń eýrony qurady. Chempıondar 25 myń eýro, AQSH-tan kelgen vıse-chempıondar 15 myń eýro, al Qazaqstannan kelgen qola júldegerler 10 myń eýro aldy.