Ulybrıtanıanyń bolashaq koroli men korolevasy jabyq esik artynda ózderiniń úı ádetteri bar qarapaıym otbasy bolyp qala beredi. Ýılám hanzada men Keıt Mıddlton jurtty jeke ómirleri týraly kútpegen moıyndaýmen tańǵaldyryp, ıtteriniń olarmen birge jatqanyn aıtty, dep habarlaıdy infohub.kz saıty.
Bir ashyq is-shara barysynda Ýılám hanzada jubaıymen bir bólmede, tipti súıikti úı janýarymen bir tósekte jatqanyn abaısyzda aıtyp qoıdy.
Sóz Orla esimdi qara koker-spanıel týraly bolyp otyr. Bul ıtti kоróldik otbasyna Keıttiń inisi Djeıms Mıddlton 2020 jyly tartý etken. Janýar otbasynyń tolyqqandy múshesine aınalyp, táj ıelerimen birge tósekte jatqandy ádetke aınaldyrdy. Bul jaıt jankúıerler men sarapshylar arasynda qyzý talqylaý týdyrdy.
Úı janýarlarymen birge uıyqtaý gıgıena máselesine baılanysty daý týdyrady, alaıda sarapshylar mundaı ádettiń aıqyn paıdasyn da atap ótedi. Úı janýarynyń bolýy stress deńgeıin tómendetip, qan qysymyn azaıtady jáne tereń uıqyǵa yqpal etedi. Sonymen qatar otbasy jaqynda Orlanyń kúshigi Otto esimdi taǵy bir spanıelmen tolyqty, sondyqtan úıdegi janýarlardyń sany odan ári artty.