«Semeı ormany» memlekettik orman tabıǵı qoryǵynda qundy aǵash túrlerin zańsyz kesip, keıin satýǵa baılanysty jemqorlyq sqemasy ashyldy. Ulttyq qaýipsizdik komıteti Bas prokýratýramen birlesip, jergilikti laýazymdy tulǵalardyń qylmystyq tetik qurǵanyn anyqtady, dep habarlaıdy infohub.kz saıty.
Tergeý dereginshe, qoryqtyń basshy qyzmetkerleri turaqty aqshalaı syıaqy úshin kásipkerlerge eń qundy ári ótimdi orman alqaptaryna kedergisiz qol jetkizýge múmkindik bergen — olardy qurtý jáne kesý úshin.
Tintý barysynda UQK jedel qyzmetkerleri býhgalterlik qujattardy, sondaı-aq «qara býhgalterıany» — kesiletin orman kvartaldaryn bólý men qylmystyq top músheleri arasynda qolma-qol aqsha berý sqemalary jazylǵan qoljazba jazbalardy tárkiledi.
Aldyn ala sóz baılasý boıynsha adamdar tobynyń ne asa iri mólsherde para alýy faktisi boıynsha Qazaqstan Respýblıkasy Qylmystyq kodeksiniń 366-babynyń 3-bóligi boıynsha sotqa deıingi tergeý bastaldy. Kinálilerge iri kólemde aıyppul ne múlki tárkilenip, 7 jyldan 12 jylǵa deıin bas bostandyǵynan aıyrý jazasy jáne memlekettik qyzmette laýazym atqarý quqyǵynan ómir boıy aıyrý qaýpi tónip tur.
Aıta keteıik, qyrkúıek aıynyń basynda Qazaqstandy orman órtteri qaptady. Eki oshaq Qostanaı oblysynda tirkeldi. Bir-bir órt Shyǵys Qazaqstan, Qaraǵandy jáne Pavlodar oblystarynda, sondaı-aq «Semeı ormany» qoryǵynyń aýmaǵynda tirkeldi.