Ujymdyq qaýipsizdik sharty uıymynyń (UQSHU) Bas hatshysy Taalatbek Masadyqov Qazaqstanda jaqyn arada ushqyshsyz ushý apparattarynan nysandardy qorǵaý daǵdylaryn pysyqtaýǵa baǵyttalǵan oqý-jattyǵý ótetinin habarlady, dep habarlaıdy infohub.kz saıty.
Masadyqov basylymdardyń birine bergen suhbatynda UQSHU-ǵa múshe elderdiń dron shabýyldaryna qarsy is-qımyl sharalary týraly aıtty. Onyń aıtýynsha, nysandardy ushqyshsyz ushý apparattarynan qorǵaý máselesi aldaǵy kúzgi oqý-jattyǵýlardyń baǵdarlamasyna engizilgen, olar aldymen Qazaqstanda ótedi.
«Nysandardy ushqyshsyz ushý apparattarynan qorǵaý máselesi kóterildi. Bıyl qyrkúıekte Qazaqstanda "Rýbej-2026" oqý-jattyǵýy ótedi, qyrkúıektiń sońy – qazannyń basynda Reseıde "Vzaımodeıstvıe-2026" oqý-jattyǵýy, sodan keıin qazanda Belarýste "Nerýshımoe bratstvo" oqý-jattyǵýy ótedi. Bizdiń uıymǵa múshe elderdiń qorǵanys vedomstvolarynyń ótinishi boıynsha bul másele engizildi», – dedi ol.
Masadyqov barlyq elder soǵys júrgizýdiń ózgergen nysandaryna beıimdelýge tyrysyp jatqanyn atap ótti. Onyń pikirinshe, bul óte durys jáne UQSHU-nyń áskerı quramdas bóligi boıynsha búgingi kúnniń eń ózekti máseleleriniń biri.