Ýkraına Ulttyq qaýipsizdik qyzmeti (SBÝ) Reseıdiń «kóleńkeli flotyna» qarasty Avero tankerine Qara teńizde jáne Stavropol ólkesindegi úsh munaı bazasyna sátti shabýyl jasalǵanyn habarlady. Soqqylar saldarynan nysandarda iri órtter shyqty, dep habarlaıdy infohub.kz.
Ýkraına arnaıy qyzmetiniń málimetinshe, Avero tankeri ýkraınalyq sanksıalar tiziminde bolyp, G7 jáne Eýropalyq Odaq belgilegen halyqaralyq shekteýlerdi aınalyp ótip, reseılik munaıdy tasymaldaý úshin paıdalanylǵan. Keme shıkizatty, atap aıtqanda, Qytaı men Úndistanǵa jetkizgen.
Tankerge shabýyl jasaý úshin SBÝ-dyń «Mamaı» teńiz drony qoldanylǵan. SBÝ-da Avero sońǵy on kún ishinde ýkraınalyq arnaıy qyzmet shabýyl jasaǵan Suezmax klasyndaǵy tórtinshi tanker bolǵanyn atap ótti.
Teńiz operasıasynan basqa, ýkraınalyq drondar Stavropol ólkesindegi Ýkraına memlekettik shekarasynan shamamen 600 shaqyrym jerde ornalasqan úsh munaı bazasyn soqqyǵa aldy. SBÝ-dyń habarlaýynsha, nysandarda birneshe jarylystan keıin janar-jaǵarmaı materıaldary bar rezervýarlar órtenip, iri órtter týdyrǵan.