Ýkraınanyń 2027 jyldyń basynda Eýropalyq odaqqa kirýi múmkin emes. Bul týraly EO-nyń keńeıý máseleleri jónindegi komısary Marta Kos Ýkraına prezıdenti Vladımır Zelenskıdiń nıetin túsindirgende málimdedi, dep habarlaıdy infohub.kz saıty.
«2027 jylǵy 1 qańtar degen kúndi prezıdent Zelenskı belgilegen edi. Kirý eńbegine qaraı qaǵıdatyna negizdeledi: bul kúnniń múmkin emestigi anyq», — dep keltiredi onyń sózin Corriere della Sera basylymyna bergen suhbatynda.
Marta Kos aıtýynsha, geosaıası ahýaldyń ózgerýine baılanysty kóptegen el úshin, tek Ýkraına úshin ǵana emes, EO-ǵa kirý basym mindetke aınaldy. Ol qosylý máselesinde birde-bir kandıdattyń artyqshylyǵy joq ekenin atap ótti. Sonymen qatar komısar Ýkraınanyń qazirgi jaǵdaıyn eskerýge shaqyrdy. «Sondyqtan da biz oǵan kómektesýge mindettimiz», — dep qosty Kos.
EO komısary sondaı-aq aǵymdaǵy jyldyń sońyna deıin Ýkraınanyń Eýropalyq odaqqa kirýi týraly kelissózderdiń barynsha kóp klasteri ashylady dep úmittenetinin jetkizdi.
Eske salaıyq, jyl basynda Ýkraına prezıdenti Vladımır Zelenskı el Eýropalyq odaqqa kirýdi josparlap otyrǵanyn jáne muny 2027 jyly-aq jasaýǵa nıetti ekenin málimdegen. Ol sondaı-aq beıbit kelisimde odaqqa kirýdiń naqty kúnin jazyp qoıýdy talap etken.
Maýsymda Eýrokomıssıa basshysy Ýrsýla fon der Láıen EO-nyń barlyq eli Ýkraınanyń Eýropalyq odaqqa qosylýy týraly kelissózderdi bastaýdy maquldaǵanyn málimdegen.