Ýkraına jeksenbi kúni Reseı aýmaǵyna júzdegen dron ushyryp, soǵys bastalǵaly bergi eń iri áýe shabýylynyń birin jasady. Bul shabýylda keminde alty adam qaza tapty.
Reseı Qorǵanys mınıstrliginiń málimetinshe, tún ishinde 822 ýkraın drony joıylǵan. Máskeý meri Sergeı Sobánınniń aıtýynsha, astanaǵa qaraı 600-ge jýyq dron ushqan, onyń úshten biri Máskeý oblysynyń ústinde joıylǵan.
Máskeý oblysynyń gýbernatory Andreı Vorobevtiń habarlaýynsha, ýkraın drony jeke turǵyn úıge soqtyǵyp, 83 jastaǵy er adam qaza tapqan. Sondaı-aq ol ýkraın shabýyly Reseıdiń iri saýda jelisi Wildberries-tiń qoımasynda órt týdyrǵanyn rastady.
Reseı BAQ-tary Podolsk qalasynan taratqan sýretterde alańnan qara tútin baǵanalary kóterilgeni kórinedi.
Reseıdiń ońtústik-batysyndaǵy Rostov oblysynda da bes adam qaza tapty. Oblys gýbernatory Iýrı Slúsardyń aıtýynsha, úsh qala shabýylǵa ushyraǵan.