Astanada 24 tamyzda atap ótilgen Ýkraınanyń Táýelsizdik kúninde jas ýkraınalyq dombyrada kúı tartyp, áleýmettik jelilerde úlken qyzyǵýshylyq týdyrdy, dep habarlaıdy infohub.kz saıty.
Balanyń ónerin onyń anasy áleýmettik jelige jarıalaǵan. Onyń aıtýynsha, otbasy Qazaqstanǵa kelgende uly dombyraǵa qyzyǵyp, osy aspapta oınaýdy úırengisi kelgen.
«Ǵajaıyp aspap — nebári eki ishek, al áýeni qandaı ádemi», — dep bólisti áıel.
Paıdalanýshylar pikirlerinde balanyń oıynyn joǵary baǵalap, qazaq mádenıetine degen qurmeti úshin alǵys bildirdi. Pikirlerdiń arasynda: «Sizdiń ulyńyz menen góri qazaq», «Mýzyka ult tańdamaıtyn sıaqty. Estý qabileti damyǵan adam kez kelgen aspapta oınaýdy úırene alady. Sizdiń balańyzda tabıǵı talant bar», «Tamasha! Ýkraındardyń dombyraǵa erekshe yqylasy bar. Meniń ákem dırıjer bolǵan, fortepıano men gıtarada oınaǵan. Biraq dombyra onyń súıikti aspaby edi» degen pikirler bar.
Bala kompozıtor Ábdimomyn Jeldibaevtiń «Erke sylqym» kúıin oryndady. Bul shyǵarma qazaq qyzdarynyń sulýlyǵy men avtordyń jaýapsyz mahabbatyna arnalǵan.
Buǵan deıin Qazaqstanda jarty mıllıonǵa jýyq bala bir ýaqytta dombyrada kúı tartqan aksıa ótkeni habarlanǵan bolatyn.