InfoHub Logo

Ýly baqalar Brazılıada kóp taralǵan. Olar sýbtropıkalyq jáne tropıkalyq ylǵaldy ormandarda jáne sýly batpaqtarda tirshilik etýge beıimdelgen.

Ýly baqanyń denesiniń uzyndyǵy – nebári 30-40 mm, ıaǵnı 5 sm-deı. Eger olardy úlken bóshkeniń ishine shóptiń ústine salyp qoısa, anyq kórýge bolady.

Denesi qara tústi, biraq arqasynda túrli tústi qanyq daqtary bar. Osyǵan baılanysty olardy “daqty sadaq baqa” dep te ataıdy. Tabıǵı ortasynda bul daqtar qyzyl, sary, aq tústi bolady. “Sadaq baqa” dep atalý sebebi, Amerıkanyń jergilikti turǵyndary – úndister erterekte osy baqalardyń ýyn sadaqtarynyń ushyna jaqqan. Bul baqanyń 1 gram ýy 100 myń adamdy ýlandyra alady.

Zertteýshi mamandardyń paıymdaýynsha, bul baqalardyń ýynyń quramynda búginde eń qaýipti bolyp sanalatyn batrahonosın ýy bar.

Ýly baqa 5-10 jumyrtqasyn ylǵal jerlerge salady. Urpaqtary 10-14 kúnde damyp jetiledi. Olar toptalyp júredi.

Ýly baqalar qurlyqta tirshilik etetin túrge jatady. Kúndiz belsendilik tanytady. Kóbine bıikteý jerlerde, qulaǵan aǵashtardyń ústinde otyrady.

Ýly baqalardy jasandy ortada mólsheri 60x40x40 sm bolatyn áınek qoraptarda 52-27 °S temperatýrada ósirýge bolady.

---