Ulttyq tárbıe – qundylyq bastaýy
Búgingi ǵalamdaný prosesinde ulttyq qundylyqtardy saqtaý men óziniń bet - beınesin, izgi dástúrlerin saqtaý jolyndaǵy kúres ulttyq sanany saqtaý kúresi ekenin túsine otyryp, ulttyq tárbıe dep jeke tulǵanyń ulttyq sana sezimi men minez-qulqynyń ana tilin, ata tarıhyn, tól mádenıetin jáne ulttyq salt - dástúrlerdi meńgerýi negizinde qalyptasýyn aıtamyz.

Ulttyq qundylyqta bilim men tárbıe berýdiń basym baǵyttarynyń biri tárbıe jumystarynyń áleýetin kúsheıtý bolyp tabylady. «Qazaqstan - 2050» Strategıasy qalyptasqan memlekettiń jańa saıası baǵyty» atty Qazaqstan halqyna Joldaýynda ult Kóshbasshysy: «Bala tárbıeleý – bolashaqqa eń úlken ınvestısıa. Biz bul máselege osylaı qarap, balalarymyzǵa jaqsy bilim berýge umtylýymyz kerek», - dep kórsetken bolatyn.

Halqymyzdyń tilin, tarıhyn, ulttyq dástúrin, ata saltyn umyta bastaǵan búgingi urpaqty tárbıeleýge at salysý jalpy ultymyzdyń mindeti. Halqymyzdyń asyl qazynasyn tıimdi paıdalaný, onyń salt - dástúri men mádenıetine qurmetpen qaraýǵa úıretýi sózsiz.
Jas urpaqqa sapaly bilimmen birge sanaly tárbıe berý qaı kezde de ózektiligin joǵaltqan emes. Qazirde solaı. Arǵy ata - babalarymyz jas órendi elin, jerin súıýge úndep, ulttyq salt - dástúrmen sýsyndatýdy murat tutqan. Sol rýhanı úndeý búgingi kúnge jetkizdi.

Rýhanı tárbıemen nurlanbaǵan adam óziniń alǵan bilimin qara basynyń paıdasyna jumsap, óz múddesi úshin adamzatqa apat ákelýi múmkin. Onyń mysaly tarıhta az emes. Tek sol arqyly ǵana halqymyzdyń ǵasyrlar boıy jınaqtalǵan baı rýhanı murasymen jastardyń boıyna adamgershilik izgi qasıetterdi qalyptastyryp, sińirtip, óziniń Otanyna adal azamat etip tárbıeleý ata - ana men ustazdar qaýymyna júkteledi.

№167 mekteptiń bastaýysh synyp oqytýshysy
Aryslanova Aıjan Seılovna