2026 jyldyń 24 tamyzynan bastap Ulybrıtanıada quramynda TPO hımıalyq zaty bar manıkúrge arnalǵan gel-laktardy satýǵa tyıym salatyn jańa erejeler kúshine endi, dep habarlaıdy infohub.kz saıty.
Shekteýler Anglıa, Ýels jáne Shotlandıaǵa qatysty. Quramynda trımetılbenzoıl dıfenılfosfınoksıd (TPO) bar jańa ónimderge tyıym salyndy. Bul — últrakúlgin shamnyń astynda gel jabynynyń qataıýyn qamtamasyz etetin fotoınısıator. Jańa standarttarǵa kóshý kezeń-kezeńimen júzege asady: óndirýshiler mundaı ónimderdi endi jetkize almaıdy, alaıda sulýlyq salondary 2027 jyldyń 14 aqpanyna deıin qolda bar qorlardy paıdalanýǵa quqyly.
Qatańdatýdyń sebebi — bul hımıkattyń qaýipsizdik klassıfıkasıasynyń qaıta qaralýy. Janýarlarǵa júrgizilgen zertteýler barysynda TPO-nyń úlken dozalarynyń áseri reprodýktıvti fýnksıanyń buzylýyna jáne fertıldiliktiń tómendeýine ákelýi múmkin ekendigi anyqtaldy. Eýropalyq Odaq elderinde uqsas sharalar 2025 jyldyń qyrkúıeginen bastap qoldanylýda, al AQSh, Azıa jáne Avstralıada bul komponent áli de ruqsat etilgen.
Sulýlyq ındýstrıasynyń sarapshylary salondarǵa kelýshiler úshin naqty qaýiptiń mınımaldy ekenin atap ótedi, óıtkeni kosmetıkadaǵy TPO konsentrasıasy óte tómen. Sonymen qatar, naryqta bul zatsyz kóptegen balama gelder bar, sondyqtan klıentter manıkúr sapasyndaǵy aıyrmashylyqty baıqamaıdy.