InfoHub Logo

Ulysmedia bas redaktory Samal Ibraevaǵa kıbershabýyl jasalyp jatqandyǵyn málimdedi,dep jazady Infohab tilshisi.

Qazaqstandyq táýelsiz jýrnalısıkaǵa qarsy jasalǵan kezekti shabýyl – Ulysmedia.kz saıtynyń bas redaktory Samal Ibraevaǵa baǵyttaldy. Aqparattyq keńistikte belsendiligimen tanylǵan jýrnalıs sıfrlyq qýdalaýǵa ushyrap, bul áreketti "sóz bostandyǵyna tóngen qaýip" dep baǵalady.

"Kórsetemiz dedi – kórsetti"

Ibraevanyń aıtýynsha, ol sońǵy kezderi birneshe ret qysymǵa ushyraǵan. "Maqalany óshir, taqyrypty aýystyr, sýretti alyp tasta – áıtpese kórsetemiz" degen belgisiz eskertýlerden keıin, qyzmet kórsetý saıtynda jalǵan ıntım anketa paıda bolǵan. Onda onyń aty-jóni, sýreti jáne telefon nómiri jarıalanǵan.

> "Birneshe kúnnen beri telefonyma tynym joq – uıatsyz usynystar men mazasyz qońyraýlar úzdiksiz keledi. Tanystarym men oqyrmandar habarlasyp, ne bolǵanyn suraıdy. Men bárine túsindirýmen álekpin. Bul sıfrlyq shabýyl arqyly pıǵyldylar degenine jetti", – dep jazdy ol Ulysmedia saıtynda.

Ibraevanyń aıtýynsha, ol bul fakti boıynsha polısıaǵa aryz túsirgen. Bes kúnnen keıin ǵana kıberqylmys baby boıynsha is qozǵalǵan. Jýrnalıs Prezıdent Qasym-Jomart Toqaevqa júginip, isti jeke baqylaýyna alýdy surady.

Bul – Samal Ibraevaǵa jasalǵan alǵashqy shabýyl emes. Buǵan deıin ol:

Redaksıaǵa balalar sýreti men shıki et salynǵan qorap kelgenin,

Saıt buzylyp, jeke málimetteri jarıalanǵanyn,

Osy áreketterdiń barlyǵyn tikeleı qorqytý dep qabyldaıtynyn málimdegen edi.

Ibraevanyń jaǵdaıy – Qazaqstanda jýrnalıserge jasalyp jatqan qysym men qaýiptiń ashyq kórinisi. Bul – senzýranyń jańa formasy – kıbershabýyl, moraldyq jáne psıhologıalyq qysym. Mundaı áreketter tek jýrnalıserge emes, búkil qoǵamnyń aqparat alý quqyǵyna tóngen qater sanalady.

Ulysmedia bas redaktoryna jasalǵan bul shabýyl – elimizdegi sóz bostandyǵyna degen shynaıy kózqarasty kórsetetin dabyl. Memlekettik organdar bul isti tek jekelegen oqıǵa emes, júıelik problema retinde qarap, qylmystyq áreketterdiń artynda turǵandardy anyqtap, jaýapqa tartýy tıis.