Saýd Arabıasynyń bıligi qajylarǵa bir jyl merzimge kóp rettik ýmra vızasyn engizdi. Bul vıza kоróldikke birneshe ret kirýge múmkindik beredi, biraq jalpy bolý merzimi 90 kúnnen aspaýy tıis, dep habarlaıdy infohub.kz.
Saýd Arabıasynyń qajylyq jáne ýmra isteri mınıstrliginiń habarlaýynsha, jańa vıza 365 kún jaramdy jáne kóp ret kirýge múmkindik beredi. Elde bolýdyń jalpy merzimi 90 kúnnen aspaýy kerek. Ár sapar aldynda qajylar Nusuk platformasy arqyly ýmra jasaýǵa ruqsat alýy, sondaı-aq qonaqúı, kólik jáne basqa da qyzmetterdi aldyn ala brondaýy qajet.
Aıta ketý kerek, kóp rettik ýmra vızasy qajylyq maýsymy kezinde ýmra jasaýǵa quqyq bermeıdi. 90 kúndik belgilengen lımıtti paıdalanǵannan keıin qaıta kirý úshin jańa vıza rásimdeý qajet. Mınıstrlik bul vızanyń engizilýi qajylarǵa qyzmet kórsetý júıesin qoldaýdyń jalǵasy jáne kórsetiletin qyzmetterdi damytý aıasyndaǵy qadam ekenin atap ótti.