Bosanǵan Ana.
Kóktemde dala býsanyp,
Birine-biri bolar ma uqsas munshalyq.
Tolǵatyp dala,
Esen-saý Ana ul taýyp,
Bara jatady kóktemniń kókshil bulty aýyp,
Tershıdi Ana,
Tershıdi dala qymtanyp.
Tamyry ıip,tátti bir uıyqtap alǵasyn,
Ana shaıyńa,
Dala nóserge qanǵasyn,
Dalaǵa - dıqan,
Anaǵa adal joldasy,
Tyńaıtpaq bolyp,
Daıarlap jatyr qaljasyn.
Óskende sábı Anadan taýsap qoregin,
Dalada táı-táı saýsaǵyn jaıar kók egin.
Jerdi - Anama,
Anamdy jerge teńedim,
Ekeýinen de egiz uqsastyq kóremin.
Qapelimde baıqamaı júrgemin be?
Qanat bitip keledi kúnnen-kúnge.
Myna ómirden bir ketip, bir keldim be
Túsi bólek baıaǵy gúlderdiń de,
Kimderdiń de, kún menen túnderdiń de
Osy, men...
Álde basqa túrge endim be?\'
Bal aradaı shyqpaıtyn aınalamnan
Baýyr, joldas, dos, qurby qaıda qalǵan
Qysyltaıań kezderde paıdalanǵan,
Joqty qýǵan, qaıdasyń,
Qaıran arman?
Armysyń!
Esi durys, mıat-Kúnim!
Ólip qaıta tirilgen sıaqtymyn
Jarqyn ómir, jan ómir, jasyl shýań,
Aldaryńda senderdiń, uıattymyn..
Alyp ushyp barady qanattarym,
Kúndi uzatyp, kútemin tań atqanyn.
Dál osyndaı sátińnen adastyrmaı,
Adastyrma, ótinem, jaratqanym!

---