Еуропалық комиссия төрағасы Урсула фон дер Ляйен словакиялық депутат Милан Угрик тарапынан айтылған айыптаулардан кейін Еуропалық парламент сессиясын мерзімінен бұрын тастап кетті, деп хабарлайды infohub.kz сайты.
Милан Угрик әлеуметтік желідегі X парақшасында өзі сөйлеп тұрған сәтте Еуропалық комиссия төрағасы Урсула фон дер Ляйеннің залдан асығыс шығып кеткенін бейнелейтін бейнежазба жариялады. Депутат жазбаға еуропалық институттарға қатысты өткір тіркестер қосып берген.
ТАСС дерегінше, оқиға Милан Угрик Урсула фон дер Ляйенді Украинаға еуропалық ақшаны жіберуді жалғастырғаны үшін сынға алған Еуропалық парламент отырысында болған. Депутаттың айтуынша, дәл сол себепті Еуропалық одақ соғысқа таяп отыр.
«Еуропаны қиратқан, оны кедейлікке, құлдырауға және соғыс шегіне әкелген Урсула фон дер Ляйен...», — деді евродепутат. Осы сөздерден кейін Еуропалық комиссия төрағасы отырысты тастап кетті.