AQSh pen Iran soqqylarmen almasty: amerıkan áskerleri Iranshahrdaǵy áýejaıǵa soqqy berdi, al Tegeran Bahreındegi jaý bazasyna shabýyl jasady, dep habarlaıdy infohub.kz saıty.
RBK dereginshe, AQSh joıǵysh ushaqtary Irandaǵy birneshe nysanǵa, onyń ishinde Iranshahr qalasyndaǵy áýejaıǵa zymyran soqqysyn jasady. Áýejaı mańynda úsh jarylys bolǵany habarlandy.
Amerıkan kúshteri Bandar-Abbastaǵy stansıaǵa da soqqy berdi. Al Hamır okrýginde úsh kópirge shabýyl jasaldy, onyń ishinde Bandar-Abbasty Fars provınsıasyndaǵy Larmen baılanystyratyn kópir de bar. Shabýyl kezinde eki adam qaza taýyp, taǵy tórteýi jaralanǵany habarlandy. RIA Novostı málimetinshe, AQSH-tyń Irannyń ońtústigindegi kópirlerge jasaǵan shabýylynan qaza tapqandar sany úshke jetti.
Sondaı-aq basylym Irannyń Bahreındegi amerıkan bazasyna soqqy bergenin jazady. «Islam respýblıkasynyń áskeri Bahreındegi Sahır bazasyndaǵy amerıkan armıasynyń tikushaqtary men R-8 ushaqtary ornalasqan jerge Arash ushqyshsyz ushaqtarymen soqqy berdi», – dep málimdedi memlekettik teleradıokompanıa. Odan bólek, áýe dabyly kezinde Katarda da jarylystar estildi.
Eske sala keteıik, AQSh pen Iran arasyndaǵy soqqylar almasý Ankaradaǵy NATO samıti qarsańynda bastaldy. Keıin Aq úı basshysy atysty toqtatý rejımi aıaqtalǵanyn, biraq Vashıngton kelissóz júrgizýge kelisetinin aıtty. Jaqynda Iran syrtqy ister mınıstriniń orynbasary Kazem Garıbabadı de AQSH-pen beıbit kelisimniń kúshin joıǵanyn málimdedi.