Taqyryby: Úsh jasar balalardyń damýy
Balalardyń ómirin uıymdastyrý. Kún tártibi
Úsh jasar balanyń oıaý júrý ýaqyty uzarady. Olar 6 - 6, 5 saǵat oıaý júre alady. Kúndiz balalar 1 ret 2 - 2, 5 saǵat uıyqtaıdy. Úsh jasar balalarmen tańerteńgilik jattyǵýlar ótkiziledi. Tamaqtaý, kıiný, jýyný birtindep oryndaý prınsıpterimen oryndalady.

Dene damýy
Úsh jasar balalardyń boıy 93 - 94sm, salmaǵy 14 - 14, 5 kg bolady. Ortalyq júıke júıesiniń qyzmeti jetiledi. Bul balalardyń jumysqa qabilettiligimen baıqalady. Balalar is - árekettiń bir túrimen 20 mınýtqa deıin shuǵyldana alady. Balalardyń qımyl – qozǵalysy belsendi jetile túsedi. Júgirý, órmeleý, laqtyrý sıaqty qımyldary damıdy.

Sóıleý jáne oılaý
Úsh jasta tildiń maǵynalyq mazmuny odan ári keńeıe túsedi. Olar úlkenderdiń sózin jaqsy túsinedi. Biraq aınaladaǵy úlkenderdiń aıtqanyn túsiný jetkiliksiz. Sondyqtan da balalardy syrt kórinisine qarap ajyratýǵa úıretý kerek. Bul kim? Mynaý ne? Ne úshin? Degen suraqtarǵa tolyq jaýap berýdi qalyptastyrý kerek.

Belsendi sóz
Úsh jasar balalardyń belsendi sózdik qory 1200 - 1500 bolady. Olardyń sózderinde etistikter, zat esimder kóp qoldanylady. Septik jalǵaýlar paıda bolady. Sábıler shaǵyn óleńder men ánderdi tez jattap alady. Sóıleýdiń damýymen qatar balalardyń psıhıkalyq prosesteri: qabyldaý, zeıin, es, qıaly jetile túsedi.

Oqý saǵattary
Balalar baqshasynyń 1 - sábıler tobynda aptasyna 10 sabaq ótkiziledi. Olar bylaı bólinedi:
- aınalamen tanystyrý, til damytý – 3 saǵat
- sýret salý jáne japsyrý – 2 saǵat
- qurylys materıaldarymen – 1 saǵat
- mýzyka sabaqtary – 2 saǵat
- dene tárbıesi – 2 saǵat
Oqý saǵattarynyń uzaqtyǵy – 10 - 15 mınýt. Oqý saǵattarymen qatar aınalasyndaǵylardy serýen kezinde baqylaý, qımyldy jáne dıdaktıkalyq oıyndar josparlanady.