Geografıa páni muǵalimi Qambar Amantaevqa arnaý

Ustazdyń joly - uly jol!

Sózderdi naqyshyna keltirip bir,
Álemdi bir paraqta tańbalaǵan.
Taýlar - tastar, qalalar, ózender - kól
Dóńgelek jumyrtqada sıa qalǵan.
***
Kórgen jan maqtanyp aıtar atyn,
Bilimińdi eselep qaıtaratyn.
Shaharda bizdiń altyn bir ustaz bar
Ashymaǵan aırandy uıytatyn.

Tulpary alda júrer alamanda,
Bilgenin jasyrmaıtyn bar adamǵa.
Dúnıe túsinikti bop ketedi,
Nur shashqan janarymen qaraǵanda.

Aıtylmaǵan kókeıdegi oılary áli,
Shól basqan sanalardy qandyrady.
Búgingi Shohandaıyn jaryq juldyz
Erteńgi qazaǵymnyń – Marǵulany!

Jatatyn búkil álem tańdaı qaǵyp,
Ǵylym men bilim jolda mańdaı alyp.
Ustazdar kerýenin bastap turar
Tizginin ustap alyp – Amantaev!