Ustazdyq – kıeli de, mártebeli mamandyq

Elbasy Nursultan Nazarbaev: «Bolashaqty eńbek etip, ómir súretinder - búgingi mektep oqýshylar, muǵalim olardy qalaı tárbılese, Qazaqstan eliniń bolashaǵy da sol deńgeıde bolady. Sondyqtan da ustazy júkteletin mindet óte aýyr»- degen bolatyn.
Sol, ustaz - jas urpaqtyń rýhanı sáýletkeri, qoǵam óziniń úmiti mol bolashaǵyn tapsyratyn senimdi ókili. Olar sol senimdi aqtaı otyryp, zerdeli de zerek, parasatyn, ulttyń jáne adamzattyq qundylyqtarda boıyna darytqan tulǵalardy tárbıeleýde dep bilemin. Ǵylym ıesi ǵalym da, el qorǵaǵan batyr da, tilinen bal tamǵan aqyn da tegeýrini temir balqytqan jumysshy da, egin salǵan dıqan da, mal baǵyp terin tókken shopan da, kók kúmbezinen ári ótken ǵaryshker de bári - bári ustazdan bilim, tálim alǵan. Sondyqtan ulaǵatty ustazdarǵa búkil adam balasy qurmetpen bas ıedi.

Qazaq mektebiniń bolashaǵy týraly M. Jumabaev «Árbir eldiń keleshegi mektebine baılanysty» dep aıtyp ketkendeı táýelsiz Qazaqstan Respýblıkasynyń tarıhı áleýmettiń mádenı bolmysyn damytýǵa, qoǵamdyq ómir men ultynyń mektepti qalyptastyrýdaǵy ustazdardyń eńbegi óte zor.
Ustazdardyń eńbegin tek oqýshylar ǵana baǵalamaǵan, olardyń aldynda uly jazýshylarda bas ıip, óleń jyrlaryn arnady emes pe?

Ustaz degen – erekshe tulǵa dara shyń,
Umytylmastaı ómirde máńgi qalatyn.
Ustaý degen – aıaýly adam, asyl jan,
Shákirt kóńiline kúı bolyp jaınap shatatyn.

Shákirtterin azamat qyp sanaly,
Ustaz ana - dana bola alady,
Eń bastysy ustaz myna ómirde,
Ulaǵat bop qalady.
Ustaz - jasóspirimderdi iskerlikpen uıymdastyryp basqarýshy, mamandyǵyn jetik meńgergen bilimpaz sheber oqytýshy, júrek jylýymen oqýshy jan dúnıesin nurlandyryp, tásilder úıretýshi - rýhanı sáýletker, bolashaqqa jol silter eń jaqyn aqylshy - ekinshi ata - anasy, kómektesip jetekteýshi, keńes berip eskertýshi, demep yntalandyrýshy, úlgi - ónegesimen tárbıeleýshi, názik psıholog, izdenimpaz - jańashyl, jasampaz eńbekqor qasıetteri bar boıyna daryǵan eń basty asyl tulǵa.

Árbir jeke tulǵanyń bolashaǵy mektebinde shyńdalady. Mektepte beriletin bilim - barsha álem tynys - tirshiliginiń alǵashqy irgetasy. «El bolam deseń besigińdi túze» deıtin bolsaq, bizdiń terbetken besigimiz – mektep. Mektep – bilim tiregi, ustaz onyń júregi. Endeshe, mekteptiń basty tiregi de, júregi de – muǵalim.
«Naǵyz ustaz óziniń bilimdiligimen, júris - turysymen, jaıdary minezimen, tipti syrt - pishini, kıgen kıimimen de shákirtke jaqsy maǵynada qatty áser etedi»- degen Málik Ǵabdýllınniń sózinen kóp nárse ańǵarýǵa bolady.

Qazirgi zaman muǵaliminiń mártebesi ózinen dúnıe emes, ol - kóp eńbektenýden týyndaıtyn kúrdeli másele. Ustaz bilimdi, bilikti, ıbaly, aqyldy bolsa mártebeli bolady.
«Elimizdiń erteńi – búgingi jas urpaqtyń qolynda, jas urpaqtyń taǵdyry ustazdyń qolynda» demekshi, óskeleń urpaqty mártebeli ustazdar tárbıelese, el erteńi de jaqyn bolary sózsiz.