Qazaqstandyq ústel tenısshileriniń jańa býyny Almatyda 2026 jyly ótetin WTT Youth Contender (Ústel tenısiniń álemdik federasıasynyń jasóspirimder týrnırler serıasy) bedeldi halyqaralyq jastar týrnırin jaýlaýǵa daıyndalýda. Quramǵa iri álemdik jarystarda jeńiske jetip, júldeli oryndar alǵan, tájirıbesi mol talantty oıynshylar endi, dep habarlaıdy infohub.kz.
Erler quramasy
Qurmanǵalıev Alan — halyqaralyq dárejedegi sport sheberi, aralas juptaǵy jastar arasyndaǵy álem chempıony, jastar arasyndaǵy Azıa chempıonatynyń qola júldegeri. 2019 jyly Halyqaralyq ústel tenısi federasıasy (ITTF) ony «Hopes Week & Challenge» álemdik týrnıriniń úzdik oıynshysy dep tanydy.
Jumaǵul Abaı — WTT serıasyndaǵy halyqaralyq týrnırlerdiń jeńimpazy: Panagúrıshtegi WTT Youth Contender, Almatydaǵy WTT Youth Contender jáne Batýmıdegi WTT Youth Contender.
Markın Alekseı — Tashkenttegi WTT Youth Contender halyqaralyq týrnıriniń qola júldegeri.
Eralhan Dýlat — Almatydaǵy WTT Youth Contender halyqaralyq týrnıriniń kúmis jáne qola júldegeri.
Iakovlev Oleg — Berlındegi, Batýmıdegi jáne Almatydaǵy WTT Youth Contender týrnırleriniń birneshe dúrkin qola júldegeri.
Azamatuly Nurdaýlet — Beırýttaǵy WTT Youth Contender halyqaralyq jastar týrnıriniń júldegeri.
Áıelder quramasy
Fý Dará — sport sheberi, Qazaqstan Respýblıkasynyń úzdik sportshylary arasyndaǵy TOP-12 jastar týrnıriniń chempıony.
Lýkánova Marıa — sport sheberi, Djezzındegi jáne Batýmıdegi WTT Youth Contender týrnırleriniń jeńimpazy.
Bekmuhambetova Janıa — Bolgarıa, Ispanıa, Slovenıa, Slovakıa, Horvatıa, Italıa, Majarstan, Grýzıa jáne Mysyrdaǵy WTT halyqaralyq jastar týrnırleriniń jeńimpazy.
Áljanova Ádelıa — Tashkenttegi WTT Youth Contender halyqaralyq týrnıriniń chempıony.
Qazaqstan Respýblıkasynyń Ústel tenısi federasıasyn Danıar Ábilǵazın basqarady.