Bizdiń úı bolatuǵyn osy arada,
Jatatyn bulaq aǵyp bosaǵada.
Orny da ósheıin dep qalypty ǵoı,
Ótipti kóp ýaqyt...
Tosa ma alda.
Qazyna bolmasa da qambasynda.
Qaryq bop otyratyn nanǵa, sýǵa.
Tútini kerneıinen túzý shyǵyp,
Jalǵyz úı jarbıatyn jar basynda.
Eskermeı tirshiliktiń jaraqatyn,
Sonda da kún shyǵatyn, tań atatyn.
Bar syıyn tabıǵattyń ózi bergen,.
Bizdiń úı keregine jaratatyn.
Qara ornyńnan aınaldym, uıam meniń,
Kúmisten músinińdi quıar ma edim.
...Áldeqalaı aspannan qulap túsem,
Aıadaı bosaǵandy qıar ma ediń?..

---