Úndistan turǵyny shashynyń uzyndyǵy boıynsha álemdik rekord ornatyp, Gınness rekordtar kitabyna resmı túrde endi. Onyń qara shashynyń uzyndyǵy 271,5 santımetrdi qurady, bul ýkraınalyq Alıa Nasyrovanyń aldyńǵy jetistiginen asyp tústi, dep habarlaıdy infohub.kz.
Ýttarakhand shtatynyń bútı-blogeri Rený Dharıal qazirgi tiri áıelder arasyndaǵy eń uzyn shashtyń ıesi atandy. Haldvanı qalasynda júrgizilgen resmı ólsheý 271,50 santımetr nátıjesin kórsetti. Bul Alıa Nasyrova ornatqan aldyńǵy rekordtan (257,33 santımetr) 14 santımetrge artyq.
Renýdiń aıtýynsha, ol shashyn 2015 jyldan beri ósirip keledi jáne sodan beri bir ret te qıdyrmaǵan. Oǵan uzyn shashty sulýlyq pen dástúrdiń belgisi sanaıtyn úndi mádenıeti shabyt bergen.
Mundaı burymdy kútý úlken shydamdylyqty qajet etedi. Jýyp, taraýǵa qyzǵa birneshe saǵat ketedi. Shashy kedergi keltirmeýi úshin ol ony kúrdeli burymǵa óredi.
Rený kútimniń qupıasyn hımıalyq zattardan bas tartýymen túsindiredi. Ol óziniń jetistigi arqyly týǵan óńirin dáriptep, álemge tabıǵı sulýlyqqa adaldyqtyń mańyzdylyǵyn kórsetýdi úmit etedi.