Almaty oblysy Jambyl aýdanynda, Uzynaǵash aýylynan shyǵa beriste jumys istep turǵan turmystyq qatty qaldyqtar polıgonynda órt shyqty. Bul týraly Qazaqstan Respýblıkasy Tótenshe jaǵdaılar mınıstrliginiń baspasóz qyzmeti habarlady, dep jazady infohub.kz saıty.
Vedomstvonyń dereginshe, oqıǵa ornynda jedel shtabtyń jumysy uıymdastyryldy. Polıgonnyń keıbir bólikterinde qaldyqtardyń jınalý tereńdigi 3–5 metrge jetetindikten, órtti sóndirý qıyndap otyr.
«Oqıǵa ornynda jedel shtabtyń jumysy uıymdastyryldy. Polıgonnyń keıbir bólikterinde qaldyqtardyń jınalý tereńdigi 3-5 metrge jetedi, bul sóndirý jumystaryn júrgizýdi qıyndatady. Sýmen jabdyqtaý sýdy tasymaldaý arqyly júzege asyrylady. Órttiń taralýyn boldyrmaý úshin búldozerlermen janbaǵan qaldyqtar órtenip jatqan ýchaskelerden bólinip jatyr. Sonymen qatar órt oshaqtaryna sý quıylyp jatyr», — dep habarlady Tótenshe jaǵdaılar mınıstrligi.
Tıegishter men ózi aýdarǵysh kólikterdiń kómegimen qaldyqtardy jyljytý jáne olardy ınertti materıaldarmen kómý jumystary júrgizilip jatyr.
«Sóndirýge Almaty oblysy TJD-nyń, jergilikti atqarýshy organdardyń jáne QR TJM 28237 áskerı bóliminiń 33 adamy men 22 tehnıkasy jumyldyryldy. Órt 500 sharshy metr aýmaqta oqshaýlandy. Tolyq joıý jumystary jalǵasýda», — dep habarlady TJM.