Sanıtarıalyq-epıdemıologıalyq baqylaý komıteti eldiń bas sanıtarlyq dárigeriniń jańa qaýlysyn jarıalady, oǵan sáıkes tumaýǵa qarsy egý 15 qyrkúıekte bastalady, dep habarlaıdy infohub.kz saıty.
Qujatta sozylmaly aýrýlary bar adamdarǵa, mektep oqýshylaryna, júkti áıelderge, qart adamdarǵa, kishkentaı balalarǵa, sondaı-aq jabyq mekemelerde jáne arnaýly áleýmettik qyzmet uıymdarynda júrgen adamdarǵa egý usynylatyny kórsetilgen.
Bas sanıtarlyq dáriger astana, oblystar jáne respýblıkalyq mańyzy bar qalalardyń jergilikti memlekettik densaýlyq saqtaý basqarmalarynyń basshylaryna 15 qyrkúıekten bastap medısınalyq uıymdardyń tumaýǵa qarsy ımmýndaýǵa daıyndyǵyn qamtamasyz etýdi, 3 qyrkúıekke deıin egilýge jatatyn adamdardyń tizimin daıyndaýdy, vaksınany saqtaý jáne tasymaldaý talaptaryn saqtaýdy, egý kabınetteri men brıgadalardy daıyndaýdy, sondaı-aq 1 qazannan bastap emhanalarda medısına qyzmetkerleri úshin maska rejımin engizýdi tapsyrdy.
Qaýlyda egý adamnyń aqparattandyrylǵan kelisimi alynǵannan keıin júrgiziletini jeke atap ótilgen. Sonymen qatar, 1 qyrkúıekten bastap JRVI, tumaý jáne COVID-19 syrqattanýshylyǵynyń monıtorıńi apta saıyn, al 1 qazannan bastap kún saıyn júrgiziletin bolady.