Bloomberg agenttiginiń habarlaýynsha, Venesýela amerıkandyq resmı ókildermen OPEK-ten (Munaı eksporttaýshy elder uıymy) shyǵý múmkindigin talqylaǵan. Bul týraly NUR.KZ RIA Novostıge silteme jasap habarlaıdy. Agenttiktiń derekteri boıynsha, bul ázirge tek aldyn ala oı retinde qarastyrylyp, túpkilikti sheshim qabyldanǵan joq, dep habarlaıdy infohub.kz saıty.
Venesýela 1960 jyly qurylǵan OPEK-tiń negizin qalaýshy bes eldiń biri ekeni atap ótiledi. Alaıda sońǵy jyldary AQSh sanksıalary men eldegi ekonomıkalyq daǵdarystar munaı ónerkásibine nuqsan keltirip, onyń uıymdaǵy rólin álsiretken, dep málimdeıdi agenttik.
Maqalada Venesýelanyń OPEK-ten shyǵýy AQSh pen basqa elderdiń halyqaralyq munaı kompanıalaryna Venesýelanyń munaı sektoryn qalpyna keltirýge belsendirek qatysýǵa jol ashýy múmkin ekendigi aıtylady.
Eske salaıyq, 3 qańtarǵa qaraǵan túni Karakasta jarylystar boldy. Osydan keıin AQSh prezıdenti Donald Tramp amerıkandyq kúshter aýqymdy soqqy jasaǵanyn, al Venesýela prezıdenti Nıkolas Madýro jubaıymen birge tutqyndalyp, elden shyǵarylǵanyn málimdedi. Keıinirek Tramp Venesýelany AQSH-tyń 51-shi shtaty etý nıetin bildirdi. Maýsym aıynda Aq úı basshysy Madýrony tutqyndaǵannan keıin AQSH-tyń venesýelalyq munaıdy satýdan túsken tabysy týraly habarlady.