24 maýsymda Venesýelada bolǵan eki jer silkinisinen qaza tapqandar sany 4930 adamǵa jetti, dep habarlaıdy infohub.kz saıty.
Eldiń Ulttyq assambleıasynyń tóraǵasy Horhe Rodrıgestiń aıtýynsha, 15 shildeden beri qaza tapqandar sany 101 adamǵa ósti. Zardap shekkender sany 16 740 adam deńgeıinde qalyp otyr – bul kórsetkish 5 shildeden beri ózgergen joq. 17 907 adam baspanasyz qaldy, taǵy 21 210 turǵyn 107 ýaqytsha lagerge ornalastyryldy.
Jer silkinisi 856 ǵımaratty zaqymdady, onyń 190-y tolyq qıraǵan. Bul derekter 4 shildeden beri jańartylmaǵan. Halyqaralyq uıymdar, sonyń ishinde BUU, odan da úlken baǵa beredi: 2,5 myńǵa deıin ǵımarat zaqymdanýy múmkin. NASA-nyń spýtnıktik taldaýy 60 myńǵa deıin qurylys zaqymdanýy múmkin ekenin kórsetedi.
Venesýela bıligi habar-osharsyz ketkender sany týraly resmı derekterdi jarıalaǵan joq. Halyqaralyq qutqarý komıteti men BUU-nyń gýmanıtarlyq máselelerdi úılestirý basqarmasynyń baǵalaýynsha, 50 myńǵa deıin adam habar-osharsyz ketken bolýy múmkin. 24 maýsymdaǵy joıqyn jer silkinisterinen keıin elde tótenshe jaǵdaı rejımi engizildi.